為咗考驗伴侶對自己嘅愛,烏克蘭一對年輕情侶近日竟然用鐵鏈將大家嘅手緊綁埋一齊,實行要「糖黐豆」咁親密生活3個月。而兩人更加請嚟國家紀錄院嘅人員為佢哋作見證,並焊實鐵鏈嘅最後一個接點。


喺啱啱過去嘅情人節當日,Alexander 同女友 Viktoria 就喺烏克蘭首都基輔嘅「和睦」雕像前,用鐵鏈鎖上自己同女友嘅手,而烏克蘭國家紀錄院嘅檢查員 Vitaly Zorin 亦在旁見證。雖然大家都無辦法理解佢哋嘅行為,但 Alexander 卻對嚟緊3個月嘅生活感到興奮,並表示自己同女友正締造一項紀錄。


兩人喺之後嘅日子都不時發佈影片,向大家展示佢哋嘅日常生活,示範比大家睇佢哋如何完成各種「高難度」動作。例如:兩人只可以選擇側面有拉鏈嘅特製衣服,以方便穿脫衣服。而佢哋亦要輪流沖涼,一齊洗衣服。不過即使鐵鏈為佢哋帶嚟咁多不便,佢哋仍然好有信心可以安然度過3個月嘅「甜密生活」。


圖片來源:網上圖片