大家有冇睇過冰河世紀(Ice Age)一系列電影呢?透過電影,大眾能夠窺探到史前動物生動嘅一面。而日前,就有研究員發現到最老古嘅DNA係來自冰河時代嘅猛瑪象。 

根據法新社巴黎17日電,研究員藉著深埋喺俄羅斯西伯利亞永凍土層超過100萬年嘅猛瑪象牙齒,完成全球最古老嘅去氧核醣核酸(DNA)定序。 

3DNA樣本,一個約有80萬年歷史,另外兩個則超過100萬年前。研究員指,樣本讓現代人得以瞭解到冰河時代猛瑪象(長毛象),並提供咗一個重要觀察角度,包括「真猛瑪」(woolly mammoth)嘅古老傳承。

此前,最古老DNA定序係來自78萬年前到56萬年前嘅一匹馬,而以上嘅猛瑪象基因組嘅年代來自得更久遠。 

呢項研究刊登咗喺「自然」(Nature)期刊,瑞典斯德哥爾摩古生物學中心(Centre for Palaeogenetics)進化遺傳學教授達倫(Love Dalen)係研究報告嘅資深作者。 

達倫表示:「呢批DNA驚人地古老,樣本比維京人遺骨要老1000倍,甚至早於人類同尼安德塔人。」

呢幾頭猛瑪象喺1970年代西伯利亞地區被發現,由莫斯科嘅俄羅斯科學院(Russian Academy of Sciences)保管。

研究員先從地質學角度確定樣本年代,並與小型齧齒目動物等其他樣本做比較。

結果顯示,樣本中嘅兩頭猛瑪象係「草原猛瑪」(steppe mammoth),來自超過100萬年前;另一頭較年輕嘅猛瑪象則係迄今發現最早嘅「真猛瑪」之一。

研究員喺猛瑪象牙齒取得細小粉末樣本,並抽取基因資料,發現最老嘅那頭猛瑪象Krestovka可能來自165 萬年前;次老嘅Adycha約來自134萬年前;最年輕嘅Chukochya約來自87萬年前。

圖片來源︰twitter@CpgSthlm

瑞典斯德哥爾摩古生物學中心指,DNA發現呢顆來自猛瑪象牙齒有120萬年歷史。