話咁快又就快到正月十五(26日)啦!中科院紫金山天文台專家早前指出,今年元宵節係「十五的月亮十六圓」,即27日下午417分係月亮最圓時刻。

據內媒報道,2017年至2019年連續三年,元宵月都係「十五的月亮十五圓」,惟去年與今年係「十六圓」。為此,中科院紫金山天文台工程師胡方浩解釋,月亮圍繞地球運行軌道係一個橢圓,時近時遠,最近時有36萬千米,最遠則40萬多千米,每個月「望」嘅時間受月亮轉動嘅「步伐」快慢而有所差異。 

胡方浩進一步表示,雖然今年月亮最圓時刻為27日下午,不過並不影響民眾喺元宵節賞月,26日晚嘅月亮睇上去都圓潤飽滿。

此外,今年元宵節晚仲會有月掩軒轅十三(獅子座η星,3.5等)現象,屆時上海以南、拉薩以東嘅民眾都可以見到該顆獅子座亮星喺月亮嘅暗緣消失,被月亮遮擋幾十分鐘後又會喺其亮緣冒出。軒轅十三獅子座中嘅藍白色超巨星,距離太陽約1270光年,即約390秒差距, 

報道指,各地具體嘅掩星時刻唔同,但大致上集中喺當晚8點至10點期間,有天文專家提醒,滿月時旁邊嘅恆星會被月光淹沒,因此需要靠天文望遠鏡觀賞。 

圖片來源︰現代快報