發展局文物保育專員辦事處昨日(218日)宣佈,牛棚藝術村今日重新開放。

同其他開放場所一樣,訪客進入牛棚藝術村前,必須利用手機掃描「安心出行」二維碼,或登記姓名、聯絡電話及到訪時間,以便出現確診個案時進行接觸者追蹤。

牛棚藝術村亦會採取特別措施,包括入場前必須接受體溫檢測、用酒精搓手液及佩戴口罩。訪客只可使用馬頭角道正門,牛棚藝術公園連接嘅出入口就暫時關閉,而且唔可以喺場內進行多於法例規定人數嘅群組聚集。文物保育專員辦事處表示,會密切留意情況並適時檢視以上安排。

牛棚藝術村位於馬頭角道63號,毗鄰土瓜灣十三街舊樓群,前身係馬頭角牲畜檢疫站,係牛隻嘅中央屠宰中心,1999年停業後改建,分拆成多個單位租俾本地藝術創作家工作,其後演變成藝術村。

圖片來源︰旅遊發展局