近日美國西雅圖一個老婦人為咗接種新冠肺炎疫苗,竟然冒著暴風雪步行來回醫院近10公里。幸好呢位婦人最後亦成功接種到首劑疫苗,並安然無恙地返到屋企。


今年90歲嘅 Fran Goldman 雖然屬於優先接種疫苗嘅高危群組,但疫苗供應緊張,所以佢一直都未搵到可供接種嘅疫苗。直至近日佢再次打電話向不同醫院查詢,佢先獲告知可以預約喺14號嘅上午9時30分,前往一間距離屋企5公里嘅醫院接種疫苗。


雖然呢個好消息令老婦人喜出望外,但謹慎嘅佢仍然擔心14號當日前往醫院時有阻滯,錯過接種疫苗嘅機會。所以佢係接種疫苗嘅前一日就去咗「探路」,嘗試行下由屋企到醫院嘅路徑,而係接種疫苗當日更早早係8點鐘出發。最後佢亦成功準時都抵達醫院,並如願接種疫苗,放下咗心頭大石。


圖片來源:新華社