相信大部分人都想擁有一個屬於自己嘅安樂窩,但香港地寸金尺土,想要買樓上車絕非易事。其實英國都有類似嘅情況,而當地嘅一對情侶更索性唔買樓,改以2,500英鎊(約港幣$2.7萬)購買一架舊嘅雙層巴士,並將其改裝成自己嘅 Dream House。 


根據外媒報導,26歲嘅 Charlie MacVicar 同 27歲嘅男友 Luke Walker 為咗可以同居,佢哋喺2017年就買入咗一架「實用面積」為544呎嘅雙層巴士,並用 1.5萬英鎊(約港幣$16.2萬)裝修巴士,將其打造成一間可移動嘅 Dream House。而兩人自2018年就搬入巴士生活,就連返工都會駕駛巴士代步。


呢間可移動式嘅 Dream House 上層係睡房,放置咗一張床、兩個床頭櫃,以及一部電視。而下層側劃分成客廳和廚房,壁爐、微波爐、雪櫃、洗衣機等基本生活電器都應有盡有。而 Charlie 對於自己可以喺無需支付巨額按揭或租金嘅情況下,得到一間 Dream House 亦感到十分滿足,並指巴士有足夠空間讓自己同男友一起齊生活。



圖片來源:Instagram@doubledeckerhome