疫情近日放緩,政府宣佈放寬社交距離措施,今日起容許部分處所恢復有限度運作。其中香港中央圖書館、6間主要圖書館及31間分區圖書館將會喺本周五(19日)局部重開,而新油蔴地公共圖書館亦會喺當日正式啟用。 

位處喺油麻地停車場大樓地下及閣樓嘅圖書館,由於大樓需拆卸,喺去年1228日遷到上海街251號地下A座一至三樓,並開始提供還書箱服務。17日,當區區議員受康文署邀請參觀同舊館一街之隔嘅新油蔴地公共圖書館。根據該區議員描述,新館面積由舊館嘅1,280平方米大增至2,300平方米,並新增電腦資訊中心、咖啡閣等設施,更特別增設油尖旺區文化及歷史資源角,介紹區內嘅文化歷史。 

另外,成人及兒童圖書館將會喺19日正式啟用,但報刊閱覽室、學生自修室、電腦設施及租用設施等會繼續暫停開放。此外,新館藏書量達14萬,其中成人圖書館有7萬多本館藏,兒童圖書館就有3萬多本館藏,其餘書籍收藏喺書庫。當中有3萬多本書係由舊館遷到新館,其他係新購書籍。館內嘅報刊閱覽室仲特別為少數族裔提供尼泊爾語嘅報紙雜誌。 

現階段,新油蔴地圖書館係以臨時性質重置,現時亦有唔少聲音希望新館可以成為永久圖書館。

疫情關係,新館只提供特別開放時間︰

星期一至六︰下午1時至430分;下午5時至8

星期日及公眾假期︰上午9時至下午1230分;下午1時至5

圖片來源︰FB@朱子洛議員