大家翹首以盼嘅主題樂園終於重開啦!

海洋公園及迪士尼分別喺今明兩日重開!港府宣佈主題公園等場所可以今日起重開,閉園超過兩個月嘅海洋公園今日重新開放,昨午5點起接受網上預約入園;香港迪士尼樂園亦宣布明日(219日)重開,並喺今早10點開放網上預約系統。

另外,因應當局新增嘅防疫指引,兩個主題樂園將要求訪客進入園區前,以手機掃描「安心出行」應用程式二維碼,或登記姓名、聯絡電話及到訪嘅日期同時間。

海洋公園指,會安排所有員工喺重開前並接受每14日定期病毒檢測;而公園整體及個別機動遊戲及設施嘅容客量,將減低至不超過一半,所有劇場亦採取隔行入座措施。此外,本網記者進入預約網站發現,每次預約僅限最多兩人同行,截至今日11點半,海洋公園未來14日嘅預約未額滿。

另外,香港迪士尼樂園亦宣布重開,訪客須作出健康聲明,填寫姓名及聯絡電話,並以有效門票或會員卡,喺到訪前7日內預約入園日期。按政府要求,所有訪客喺進園時須使用手機掃描「安心出行」應用程式二維碼,園方已喺指定地點,例如樂園正門入口、餐廳以及酒店康樂部範圍等設有二維碼,方便訪客使用。

圖片來源︰FB@ Hong Kong Disneyland; Ocean Park Hong Kong