唔少人都鐘意喺屋企種啲植物,一來可以親親自然,二來又增添生活樂趣。不過香港地寸金尺土,未必個個屋企有位養植物,美國設計公司為此推出植物枱,透明玻璃枱面下層有小型花圃,用家可以種各種植物之餘,又有張靚靚枱用。

植物枱一共有4款,分別可以做飯枱、辦公枱、玄關枱同茶几。玻璃枱面與花圃之間有4個柱狀物支撐,中間有吸盤將兩者粘附,方便用家掀起玻璃枱淋水。而植物枱底下更有活塞,用家可以扭開用嚟排走多餘水分。既可以種花又可以當枱用,真係美觀又實用啊。

圖:bloomingtables.com