日本醫生「オペ中 手術を描く外科医」經常喺 Twitter 分享醫療知識,而近日佢就發佈咗一段短片,向大家展示自己如何透過「摺紙鶴」,去進行手術訓練。


從影片中可見,佢手持手術用嘅鐵鉗,將一張尺寸較細嘅藍色正方形紙摺成一隻紙鶴,而過程只用咗5分41秒。雖然用鐵鉗摺紙難度更高,但該醫生紙出嚟嘅紙鶴依然十分精細,甚至同一般人用手摺摺出嚟嘅無太大分別,實在令人嘆為觀止。


該名外科醫生更表示,自己過往曾經多次做過這樣的練習,而唔少醫生亦會以呢種方式去訓練「腹腔鏡手術」時所用到嘅技巧。醫生們甚至以此為樂,互相計時鬥快「摺紙鶴」。而當中最快嘅紀錄就為2分40秒,足足比該醫生快一倍有多。


該醫生摺紙鶴嘅影片:

圖片來源:Twitter@ope_naka