住屋問題一直困擾不少港人，而近年政府積極發展過渡性房屋，盼可以為基層市民減輕負擔。 

由會德豐借出嘅大埔汀角黃魚灘項目，其發展方案近日曝光，可以興建1236個單位，項目採用綠色園景設計、可持續建築設計同組裝合成方法，建立一個對環境友好及可節省資源嘅社區。

該綜合鄉村式過渡性房屋發展將由非政府組織九龍樂善堂進行建設、營運同管理，以組裝合成方法興建，以加快短期房屋供應。該過渡房屋項目，鄰近區內大型洋房屋苑比華利山別墅，佔地約15萬6千方呎，總樓面約23萬3千方呎，申請作為為期五年嘅過渡房屋，擬建11座樓高層嘅住宅物業，以及兩幢樓高層嘅商鋪，預計提供1236伙。

項目申請人九龍樂善堂喺城規會文件指出，項目通過採用綠色園景設計、可持續建築設計同組裝合成方法，建立一個對環境友好及可節省資源嘅社區；為大型鄉村式過渡性房屋項目建立一個良好嘅先例，提高居民生活質素外，並達致兼容又有效率嘅設計。

圖︰九龍樂善堂