疫情之下,全球每月使用嘅口罩數量驚人,有報告更估計數量達1300億個。為咗解決廢棄口罩塞爆堆積區嘅問題,近日澳洲有研究團隊就將廢棄口罩製成一種新嘅建築物料,去修建道路。而呢一種新嘅建築物料不但更加環保,其延伸性同柔韌度亦都比傳統建築物料更好。


澳洲墨爾本皇家理工大學(RMIT University)嘅研究團隊指,新嘅建築物料由切碎咗嘅口罩不織布,以及RCA 混凝土廢物(即是拆卸建築物後嘅混凝土殘骸)混合而成。而兩者最佳嘅混合比例為 1:99,換言之使用呢種物料建造 1km 雙線車路,即需使用 300 萬個口罩。


研究團隊表示,呢項研究嘅靈感源於人們隨處拋棄口罩嘅情景,而研究最初只係想探求口罩應用修建道路的可行性,但估唔到結果是不只係可行,新嘅建築物料更可帶來唔錯嘅效益。


圖片來源:RMIT University