日前日本一間名為「大出館」嘅溫泉旅館竟然以「溫泉曾在1年內令50部電視報廢」為噱頭,去宣傳自家溫泉嘅效力。雖然唔知旅館老闆有無誇大其辭,但該旅館卻成功憑著呢句「驚嚇」嘅宣傳語爆紅,而一眾網民聽後亦紛紛表示想試下該溫泉。


位於日本栃木縣嘅「大出館」日前喺官方網頁上聲稱,「本館嘅溫泉是100%源泉,強烈嘅溫泉成分會導致大部分嘅金屬迅速腐蝕。泉質強力到令短短1年間旅館壞了50台電視,冷氣雪櫃各壞20部」。由於有關嘅描述實在聽落實在太誇張,所以「大出館」就因此成為咗網絡熱話。


雖然網站嘅描述難以證實,但佢哋嘅講法確有事實根據,因為溫泉內嘅硫磺同鐵質都係電子產品嘅頭號大敵,佢哋不但會令金屬生鏽外,更會影響其他精密零件嘅定位或收發電波等功能。而「大出館」入面一個呈深黑色嘅稀有溫泉「墨之湯」更加係含有大量嘅鐵質,所以館方喺一年內壞50部電視都並非無可能。


圖片來源:「大出館」官網