網購雖然方便,但亦好難避免貨不對板、貨物損毀、寄失等問題,有台灣網民就喺社交平台分享一個自己最近嘅收件經歷,佢竟然收到一個空雞蛋盒!而佢嘅貨件就黏喺雞蛋盒上面,其他網友見到紛紛大讚賣家細心,究竟點解?

網民喺facebook專頁「爆廢公社二館」發文表示,佢去便利店拎網購包裹嗰陣,店員搵咗一輪竟然拎咗個「空蛋盒」出嚟,仔細一睇先發現蛋盒上黏咗一個小小包裹。店員笑到網民行出門口,網民亦表示:「能刷一波,收到最搞笑的包裹嗎?」

網友紛紛留言表示:「為什麼不把東西放進蛋盒」、「看過用便當盒,而且是用過的」、「賣家也太有才」。不過就有內行網友讚賣家:「很貼心」、「你是小件貨,所以怕不見」、「很有創意!這樣不會被弄丟」、「這賣家好用心」、「太小的商品寄便利店容易不見,只能說賣家很貼心」。

圖:FB@爆廢公社二館