新年快樂！今日係大年初一，大家今日會點過呢？無論今日有咩節目都好，有啲傳統禁忌大家都要知，費事一個唔覺意做咗被長輩「開年」就唔好喇~

1.忌催人起床

相傳初一叫醒仲瞓緊覺嘅人，會令對方成年都要喺病牀上度過，亦都唔好催人起身，因為會令對方喺新一年事事都被人催趕。

2.忌午睡

據說喺年初一瞓晏覺會令人成年都變得懶散，不利事業發展。

3.忌洗頭、清潔

因為「洗」同「死」讀音相近，聽落唔吉利，而且「髮」同「發」同音，大年初一「洗髮」，即是「洗發」，會洗走成年嘅財運。而大年初一最好唔好清潔屋企，照計呢啲應該喺年廿八就做好曬，如果年初一打掃，一般認為會送走財神爺，同掃走財氣、好運嘅意思。

4.忌返娘家

已出嫁嘅女仔要留意喇！最好避免喺初一、初四、初五返娘家，因為傳統認為初一返娘家會為娘家帶嚟衰運，所以最好都係初二、初三先返娘家喇。

圖：網上圖片