受疫情影響,相信大家喺今個新年都會減少外出拜年,並改為留喺家中安渡假期。而近日旅遊發展局亦舉辦咗一個名為「香港春日市集」嘅線上市集,比安坐家中嘅大家都可以盡情Shopping,選購各種賀年應節美食,以及情人節精品。


由即日起至至2月26日,「香港春日市集」一連三周將會推介逾70個本地品牌,共數百款產品比大家。當中不乏獨家及首次發售商品,供市民網上選購,包括︰老字號與年輕品牌聯乘的應節美食、富香港特色的創意禮品、「家中饗樂」摩登新春美食、情人節必買的心思手作。


值得留意嘅係,大家喺購買之餘仲可以玩下「香港春日市集」上嘅小遊戲,以贏取市集嘅折扣優惠同賀年福袋。而除咗市集外,大家亦可以喺旅發局網站自製牛年主題的電子賀卡,或者使用特別設計嘅Facebook同Instagram 拍攝濾鏡,喺線上同親友拜年,送上別出心裁嘅牛年祝福。


圖片來源:旅遊發展局