近日一位日本網民發明咗一部「物品展示機」,並聲稱機器可以幫任何物品嚟一個「華麗登場」。可惜佢為呢部機器做示範嘅時候,竟然用咗一個平平無奇雞肉便當,而呢一種反差亦令一眾網民紛紛笑道:「食個飯都要大費周章」。

從影片中可見,呢部「物品展示機」可以遙控,而該網民按下遙控器上嘅按鈕後,頂部嘅四塊板就一一開啟,讓雞肉便當從下方一邊旋轉一邊升上嚟。同時四周嘅6盞射燈都亦對準雞肉便當,令晚飯都充滿儀式感。

雖唔少網民直指機器無用,而樓主更加係「浪費才能」,但有網民亦都留言讚道:「用嚟來放模型一定超正」、「令便當變成高級料理」、「只差啲乾冰做煙霧效果」、「演唱會升降舞台嘅概念」。


圖片來源:Twitter@seevua