英國一名70歲老翁近日成功划艇橫越大西洋,成為咗呢項挑戰中年紀最大嘅挑戰者。除此之外,佢此行更為英國阿茲海默症研究中心籌得超過64萬英鎊(約689萬港元)善款,實在令人佩服。


為咗紀念曾患阿茲海默症嘅已故姐夫,來自奧爾德姆嘅 Frank Rothwell 舊年12月12日毅然由西班牙嘅戈梅拉島出發,開始呢個橫越大西洋嘅挑戰。而佢最終喺今年2月6日抵達北美洲嘅安提瓜島,成功用56日完成4,828公里嘅旅程。


事後羅思韋爾表示,自己喺挑戰前用咗超過18個月時間做訓練同準備,並對自己今次嘅經歷感到自豪。而佢除咗希望藉著今次嘅挑戰激勵他人挑戰自我外,亦希望此行籌得嘅善款可以幫助阿茲海默症研究中心早日研發出該病嘅治療方法。


圖片來源:Facebook@Frank Rothwell's Atlantic Challenge 2020