近日河南新鄉市一間公司竟準備咗1000萬,同員工大玩一場「數錢遊戲」,以答謝佢哋過去一年的付出。而員工只要限時內數到嘅錢都會成為佢哋嘅年終獎金,可以話喺數到越多,攞得越多。


有員工指,遊戲規則是限時內數錢,若參賽者沒有數錯金額,即可取走所數嘅現金。不過,若然參賽者數錯1張,結算時就要從金額中倒扣1000元。限定時間根據員工嘅工作表現而定,最長可達15分鐘。


該員工續指,若參賽者手速夠快,可數到7、8萬現金作為年終獎金,當中有人更數出10幾萬。至於呢個遊戲嘅含義,該員工就指老闆一直講求「質量、速度、效率」,而「數錢遊戲」就正體現到佢對員工嘅呢啲要求。


圖片來源:網上影片截圖