今年情人節適逢農曆新年,令甜蜜的氣氛更加錦上添花!喺咁特別嘅日子,自然要做啲特別有意義嘅事,一於支持吓各社企推出嘅情人節禮品,將愛心送俾另一半之餘,仲將愛心獻俾社會上有需要嘅人,令大家都感受到愛,係咪特別有意義呢!


鮮花義賣活動

聖雅各福群會每年情人節都會都會推出一款別出心裁嘅花朵,進行義賣籌款,善款扣除成本之後,將撥捐聖雅各福群會眾膳坊食物銀行,提供緊急食物援助予一眾受新冠肺炎影響的人士。今日內凡購買2枝或以上情人節玫瑰花嘅有心人,可獲贈由聯合出版送出嘅精美環保布袋一個,數量有限,送完即止。

FB專頁:https://www.facebook.com/sjsrosecharity/  


可愛小熊套裝

致力訓練殘疾人士,並為殘疾人士提供工作機會嘅社企「第一熊 - 畢業公仔/禮品服務」,今年為大家準備咗情人節可愛小熊套裝,除咗有可愛小白熊之外,仲配上多款唔同嘅花束,等大家喺情人節藉著小熊說愛你!

FB專頁:https://www.facebook.com/hkchampionbear/  


手製絲網花

社企「手晴家」為生活喺困乏之中,卻因為要照顧子女而無法外出工作嘅新來港婦女創造具彈性嘅工作,而佢哋就趁情人節推出絲網花,趁住情人節購買佢哋嘅絲網花,既可冧情人,又可以祝福製作絲網花嘅婦女,令大家都感受到愛。

FB專頁:https://www.facebook.com/3Hhandicraft/   

圖片來源:各社企FB專頁