新冠肺炎影響全球人嘅生活,農曆新年將至,本來應該係內地旅遊旺季,不過為咗防止新冠疫情散播,政府積極推廣「就地過年」。全國各地唔少景區近日亦推出多項優惠,有啲甚至免費入場,吸引更多民眾留喺當地過年。

上海將開放130個A級旅遊景區,針對當地過年嘅外省人士推出約100條短遊路線,包括古鎮民俗、美食購物、閱讀建築、看戲觀展等近600個打卡點。 寧夏回族自治區由2月至3月期間,多個景區給予外省民眾半價甚至免費門票嘅優惠。而浙江杭州市政府亦宣布,非當地戶口民眾幾乎喺成個2月,都可以免費遊覽西湖景區、西溪濕地公園、天台山、千島湖等原本收費嘅景區。江蘇省亦會免費開放省內315個A級旅遊景區,其中近150個景區為非本地民眾推出打折門票、發放禮券等優惠活動。

圖:網上圖片