隨住內地同香港嘅交流越來越緊密,越來越多香港學生選擇去內地求學,周詠芝Gigi就係其中一個。Gigi嘅語言天分好,佢最後揀咗去上海外國語大學(上外)讀意大利文,「一直覺得內地的發展會有些落後」嘅佢唔單止越來越適應喺上外嘅生活,更顛覆咗佢對內地嘅想法。

尋日「添馬台 Tamar Talk」喺其Facebook專頁分享咗一段短片,講述香港學生Gigi喺上外讀書嘅經歷同感受。Gigi表示自己當初都係諗咗好耐先決定返內地讀書,從未離開過父母咁耐嘅佢,本來都好擔心自己唔適應內地嘅生活,但宜家已經習慣同內地同學仔一齊生活、形影不離。喺上外,Gigi可以識到嚟自五湖四海嘅同學仔,仲情不自禁咁愛上咗新疆菜添,佢宜家已經完全適應並融入內地嘅校園生活,更表示「在內地讀書其實很開心」。

Gigi話,以前一直覺得內地比較落後,但其實原來內地學生嘅眼界很廣、思想都好國際化,老師亦用循序漸進嘅授課方式教佢哋一步步學好意大利文。佢指,同香港大學比較自由嘅學習氛圍唔同,內地大學比較重視學業,但又唔係完全讀書,亦有學生會、運動隊,非常多元化。

圖:FB@添馬台Tamar Talk