2020年係被疫情蒙蔽嘅一年，好多人都想過去一年快啲結束。香港太空館昨日（2月8日）喺社交網站專頁公布，地球自轉速度喺2020年的確快了一點點。

太空館指，自有紀錄以來，2020年前最短嘅一日係2005年7月5日，當日地球轉一圈嘅時間比平均快1.0516毫秒。然而，2020年打破咗呢個紀錄達28次，最短一日係2020年7月19日，該日子比平均快1.4602毫秒。以全年計算，2020年係地球近50年來轉得最快嘅一年。

太空館解釋，地球自轉速度無時無刻都受大氣及海洋活動等因素影響。自從發展出精確測量技術後，人類得知地球自轉速度正輕微減慢。因此，科學家自1972年開始引入閏秒，使地球自轉一圈嘅天文時間同我地時鐘時間能夠保持一致。

太空館又指，現時地球自轉速度減慢現象正在緩慢逆轉，有部份科學家估計地球2021年會轉得更快一些，如果情況持續，人類就可能需要使用負閏秒。

圖︰NASA