難得農曆新年假期,當然想出外逛逛,行個大運!唔想去商場撞口撞面都係人,不如去大嶼山嘅昂坪行吓,呼吸一下新鮮空氣,仲可以去埋著名景點「心經簡林」,全程只需一個鐘左右,輕輕鬆鬆都可以洗滌心靈!

呢段路線全程4公里,大約1小時15分鐘就可以行完,難度極低!大家只要坐巴士到昂坪巴士總站,落車之後先經昂坪奇趣徑前往著名景點「心經簡林」,由38支巨型木柱排成無限符號嘅「心經簡林」,柱上刻有由著名國學家饒宗頤教授親筆題寫嘅《心經》,配合郊野環境,予人一種平和嘅感覺。

離開「心經簡林」之後,可以向北行,接上彌勒山郊遊徑及昂平路,沿途可以遠眺港珠澳大橋,側望鳳凰山山脈,當然仲可以抬頭仰望昂坪360啦!跟住就會繞過石壁水塘北面,欣賞平靜蔚藍的水塘風光,這段路既走在林間,也走在行車道旁,平緩行、輕鬆暢快,值得細心享受。最後行到深屈道,就可以坐巴士離開啦!

圖片來源:LOOOP.HK、漁農自然護理署


喺昂坪一帶,有好多牛牛,夠晒應景!


由38支巨型木柱排成無限符號嘅「心經簡林」,柱上刻有由著名國學家饒宗頤教授親筆題寫嘅《心經》,配合郊野環境,予人一種平和嘅感覺。

途中會經過昂坪自然中心。

全程大約1小時多一啲,難度極低!

途中可以遠眺港珠澳大橋同埋昂坪360。

喺石壁觀景台可遠眺石壁水塘。