近日美國一個91歲嘅退役海軍喺好心人嘅幫助下,成功搵返自己53年前到南極工作時唔見嘅銀包。而該老翁亦對此感到十分驚喜,並喺收到呢個載滿回憶嘅銀包之後,連忙打開查看裡面各種塵封已久嘅物品。


該名叫 Paul Grisham 嘅海軍於1967年被委派到南極洲協助民間嘅科學家,而佢喺當地工作13個月期間更唔見咗銀包,而呢個銀包亦一直留咗係呢一片寒冷嘅土地。直至2014年南極洲一棟建築物遭清拆時, Paul 嘅銀包先至重見天日,並喺多位好心人嘅協力底下重回佢嘅手中。


銀包內有 Paul 嘅海軍證件、啤酒配給卡、駕駛執照,寄錢比老婆嘅匯票收據,以及遇到生化武器攻擊時該如何應變嘅資料卡。雖然裡面大部份嘅嘢都完好無缺,但相信對於 Paul 嚟講,最難得嘅反而係自己有機會重拾當年喺南極工作13個月嘅回憶。


圖片來源:網上圖片