臨近新年，大家都想逛吓市集，感受過年嘅熱鬧氣氛，可惜今年年宵大縮水，亦無乾貨攤位，咁大家可以移師陣地到荔枝角饒宗頤文化館，一齊應吓節，行番個大運！
上星期五開始嘅《犇墟@饒宗頤文化館‧本土文化節》，一直舉行至2月11日（年三十），場內有超過一百個本地手作單位，大家可以盡情購買賀年禮品。
想打卡嘅話，呢度亦有好多充滿香港特色嘅影相位，霓虹燈招牌及燈箱，又有微影模型同九巴紀念品，仲有傳統手工藝工作坊，等大家懷舊一番！
不過提提大家，「犇墟文化節」只限會員參加，所以大家出發前要做好預先登記先到會場呀！另外，大家參觀時記住要聽從現場工作人員指示，配合現場人流管制及防疫措施，咁就玩得安全又開心啦：
《犇墟 @ 饒宗頤文化館 ‧ 本土文化節》
日期 : 2021年 2月5日至11日（年廿四至年三十）
時間 : 13:00 - 22:00（年廿四至年廿九）、13:00 - 翌日02:00（年三十）
地點：饒宗頤文化館（九龍美孚青山道800號）
圖片來源：FB@饒宗頤文化館
《犇墟@饒宗頤文化館‧本土文化節》由現時舉行至2月11日（年三十）。
場內有超過一百個本地手作單位，大家可以盡情購買賀年禮品。
嚟到「舊香承‧新街港」展區，可以重溫老香港情懷。
場內重現小巴嘅座椅同膠牌。
大家可以同傳招牌合照打卡。
場內仲有舊建築模型，大家以了解當年九龍城寨係點樣！
仲有九巴紀念品，相信好多人都未見過。
仲有經典嘅電影海報。
評論：
共0 條評論