大人開議會就見得多,小朋友開議會就真係少見啦! 

有非政府組織就聯同葵青區議會,開展一個兒童議會先導計劃,喺27日舉行成果發佈會,由一班小議員分別以「設計籃圖」提出遊樂、公共設施及交通三項建議,在場嘅葵青區議員不禁讚嘆一番。 

葵青區議會青年領袖培訓工作小組聯同香港聖公會麥理浩夫人中心合辦《葵青區兒童議會先導計劃》,推動兒童關心社區,並表達對社區心聲意見,計劃開展兩個月內,招募多名812葵青區兒童參與,組成葵青兒童小組,提出社區建設方案。

成果發佈會喺昨日(7日)舉行,十多名兒童議員提出不少建議。有居住石蔭兒童議員表示,不少學童每日由石蔭步行至石籬上,其間經過「長命斜」,認為不但對兒童,亦對行動不便長者造成負擔,令佢地減少出門,小朋友就建議政府仿效慈雲山及中環蘭桂坊,該天橋接駁扶手電梯建築方法,方便巿民出行。

另一名兒童議員表示,區內欠足夠遊樂設施,滑梯款式千篇一律,都係得兩米高,只適合年幼兒童,而且空間有限。該名兒童議員為咗避免發生碰撞,改到後山朋友玩射槍,佢又建議政府可改建閒置多年葵涌公園,將部分建為設有園林空地及Wargame場,兒童出一身汗,善用公共空間,亦有兒童議員建議另闢科技館,館內設有Zoom進行網上學習,亦可以畀長者兒童一同身處館內玩電競,小朋友亦可教長者點樣使用電腦,促進長幼共融。

有兒童議員留意到地鐵站座位設施不足,令到上班大人「上班或返屋企已經好疲累,但月台連一張櫈都無得坐」,建議加設座位,同時留意葵青區斜路多,港鐵可考慮興建輕軌鐵路網,打通全港公屋人口長期名列三甲內葵青區。

圖︰FB《葵青區兒童議會先導計劃》成果分享會直播