照顧患病嘅老人家唔容易,而非親非故咁照顧8年就更加罕見,嚟自新疆嘅艾則孜·莫明就喺10年間細心照顧鄰居嘅兩位老人家,等佢哋可以安享晚年。

艾則孜·莫明係新疆阿克蘇地區庫車市東城街道新天地社區內嘅一位保安,佢喺2009年10月搬入社區。有一日放工,莫明見到一樓嘅張爺爺屋企門口無關好,張爺爺更跌低喺洗手間門口,莫明即刻入去扶起佢。原來張爺爺係獨居老人,仔女都喺外地,仲患有風濕性關節炎,生活多有不便。莫明於是主動承擔照顧張爺爺生活起居,逢年過節前幫佢清洗油煙機、玻璃、廚窗,張爺爺生病嗰陣,莫明仲幫佢熬藥、煲水、煮飯等。

2012年3月,莫明發現2樓嘅鄰居周阿姨好少出門,於是去敲門詢問,原來周阿姨病咗,佢即刻去搵醫生買藥。周阿姨常年多病,腳又唔好,兒子又一直在外打工,莫明就將周阿姨當成自己父母一樣照顧,佢話:「因為我母親去世早,周阿姨就是我母親,能照顧好她就是我榮幸。」8年嚟,周阿姨同莫明一家已情同親人,逢人就話自己有個維吾爾族兒子,比親兒子還親,仲話:「雖然獨自一個人生活,卻從未感到孤單,艾則孜一家人對我照顧的非常好,我很感謝他們。」

非親非故,點解莫明會咁照顧鄰居長者?原來要由30幾年前講起,當時只有20幾歲嘅莫明曾經去長沙賣烤肉,點知啱啱到長沙無幾耐,由於身上帶嘅錢已經用完,佢又無辦法搵到同鄉幫手,於是就喺火車站露宿。就喺呢個時候,一位好心人幫咗佢,等佢可以搵到同鄉。莫明一直心存感激,想報答嗰位好心,但後來無辦法報答,所以佢想照顧更多需要照顧嘅人,亦算係實現佢想報恩嘅願望。

圖:中新網