邊個話上咗年紀就唔可以追夢?只要有恆心,一樣可以實現夢想!西班牙一位81歲伯伯Carlos Soria,早喺20年前已經開始挑戰攀登世界14座最高嘅山峰,宜家已完成當中嘅11座,佢仲計劃今年春季挑戰世界第7高峰添。

Carlos Soria係一位退休家具設計師,自60歲開始展開攀登挑戰,更喺62歲就登陸世界第一高峰珠穆朗瑪峰,成為最年長嘅攻頂挑戰者。

Carlos原本打算舊年實現登陸14座世界高峰嘅願望,但受疫情影響要擱置。佢宜家喺馬德里附近嘅瓜達拉馬山脈進行「地獄式」訓練,配合健身、冰鎬攀岩牆等練習,決心喺今年春季攻頂道拉吉里峰,秋季征服西藏嘅希夏邦馬峰。

圖:BBC