受英國政府嘅封城令影響,當地一間農場嘅生意大受影響。為咗挽救農場嘅生意,農場嘅女主人近日諗到以視像會議嘅方式,出租自己嘅山羊作。最後佢亦成功憑呢個咁特別嘅服務賺到至少5萬英鎊,令農場可以繼續營運落去,而所有員工都唔需要放無薪假。


呢個位於英格蘭嘅農場「Cronkshaw Fold Farm」過去主要以舉辦婚禮同教育活動為生,所以受今次疫情影響,生意就一落千丈。而無奈嘅農場女主人 Dot McCarthy 就索性喺 Zoom 開設帳號,並喺網上開玩笑地開設咗一個「5英鎊出租山羊」嘅服務,打算讓山羊加入視像會議,為開會嘅人帶嚟歡樂。


估唔到呢一個玩笑竟然極受網民歡迎,甚至為佢帶嚟一群想要山羊「亂入」會議啲客人。而隨咗大部分一時興起想搵山羊嚟參加視像會議嘅人外,亦有人會固定地搵山羊參加家庭會議,甚至點名要搵一隻叫 Margaret 嘅山羊。


圖片來源:Cronkshaw Fold Farm