雖然今年嘅年宵會喺人流規管措施底下舉行,但相信一班長者仍然未必適合到場,感受一下過年嘅氣氛。而為咗令長者今年都可以行年宵,一間長者日間護理中心嘅職員近日竟然將中心改造成一個年宵市場,甚至扮成財神派錢。


鄰舍輔導會喺 Facebook 上發文指,為咗比長者們可以享受到熟悉嘅社區生活,中心嘅職員落足心機喺中心內制作多個年宵攤位,例如:即場寫揮春、以及售賣小食同年花嘅攤位。而有職員更扮成財神,大家派「鄰舍幣」比長者,成件事都非常暖心。


呢個翻版嘅年宵獲唔少網民大讚,而佢哋亦紛紛留言讚道:「真係用咗好多心機,剩睇相場面也很熱鬧」、「做得好仔細,睇得出你地真係好有heart呀!請繼續努力,謝謝你們!」、「個花牌好靚呀」。


圖片來源:Facebook@鄰舍輔導會