疫情之下,唔少港人都因為未能出國旅行而改選行山為假日活動,不動多咗人行山亦令到垃圾問題嚴重,而網上亦不時出現一啲有關行山人士惡行嘅新聞。對此,一班外傭姐姐竟然自發組隊淨山,身體力行為清潔郊野出一分力。


呢一班來自菲律賓嘅外傭姐姐喺舊年嘅2月起,每星期都會用唯一嘅假期,組隊挑戰高難度嘅山路。而佢哋更加會帶上大嘅黑色垃圾袋出發,以便清理沿途見到嘅膠樽、紙巾,以發口罩等垃圾。至今佢哋已行過香港唔少嘅山峰,包括大東山、山地塘等。


其中一位姐姐 Mary Jane 表示,自己家鄉無香港咁靚嘅山徑,所以愛上咗喺香港郊遊。而當見到山左頭滿佈口罩、紙巾等垃圾,就決定同朋友一齊淨山,守護郊外嘅環境。而另一位姐姐 Jhane Meris  亦慨嘆垃圾係全球問題,無論你來自邊度,都有責任保持郊野清潔,實行「無痕山林」。


南華早報亦曾經報導過佢哋嘅事跡

呢班外傭姐姐嘅行動獲得唔少網民大讚,而網民亦紛紛留言向佢哋致謝,當中亦有人指「外人都懂珍惜大自然,你們那些自私自利的行山人士,請自重,自己垃圾自己帶走」、「比很多香港人更愛香港」、「一個禮拜得一日休息,仲要上山執垃圾,返到屋企實攰到死......」。


圖片來源:Facebook@Jhane Meris