上月18日，政府公佈海洋公園新方案重整旗鼓。近日（2月3日），就有藝人到海洋公園參觀，打卡就快建成嘅水上樂園。

圖中可見，水上樂園將設有色彩繽紛嘅滑梯，為「八彩天梯」，當中仲設有計時功能，可以同朋友鬥快沖落水。 

海洋公園表示，如疫情受控，水上樂園會喺8月或9月開幕，並將設27項室內同戶外水上遊樂設施，而最注目就係「五彩天梯」八線滑梯，另外有人工泳灘、沖浪設施等。

據悉，海洋公園早喺1984年啟用水上樂園，彼時嘅水上樂園係以15.6米「五彩天梯」做賣點，顏色為藍、綠、黃、橙同紅。 

想必建成之時會勾起不少人嘅童年回憶，亦能為新一世代人帶來歡樂！

圖︰Instagram@zelia

顏色鮮艷，用嚟打卡都好靚！