隨著去年 7 月 1 日日本政府實施膠袋徵費,日本唔少廠商都陸續推出不同款色嘅環保袋,而近日一間廠商更推出咗一個可以着上身嘅環保袋,實行將衣服同環保袋二合為一,方便一啲成日都唔記得帶環保袋嘅人。


呢款名為「着れるエコバッグ」嘅環保袋下方有一條拉鍊,用家只需要打開拉鍊即可將環保袋當成背心穿着。而用家只要關閉拉鍊嘅話,背心又可以變回一個普通嘅環保袋,用來放各種物品。 環保袋同時選用彈性較大的布料,以阻止環保袋因為用家「又着又除」而破裂。


雖然呢款環保袋嘅慨念聽落好似好搞笑,而且售價亦高達 5,800 日圓(約港幣$430),實在唔多吸引。不過細心諗諗,呢款環保袋亦有佢嘅巧思,因為將衣服同購物袋二合為一,反而更有效做到源頭減廢,達至真正意義上嘅環保。


圖片來源:YK Store