一場新冠肺炎,令全球好多人失業,美國紐約一位清潔工人Rosa亦係其中一個。Rosa原本喺一幢豪宅工作,不過佢失業之後,仍然每日返去做清潔,住戶得知後,決定為佢支付頂層豪宅單位2年嘅租金,以回饋佢嘅辛勤付出。Rosa收到呢份神秘大獎後,喜極而泣。

Rosa返呢份工已經有20年,無奈最近因疫情被裁,唯有同屋企人搬去姐姐屋企暫住,生活變得困頓。但Rosa敬業樂業,失業後依然每日去豪宅清潔,臉上始終露出燦爛嘅笑容,深受每個住戶愛戴。住戶們為咗答謝Rosa咁多年嚟嘅付出,決定夾份送一份禮物俾佢。住戶們聯同地產經紀為佢送上驚喜,將呢個送禮過程拍成影片。影片一開頭,Rosa喺經紀陪同下前往豪宅單位,佢帶曬清潔用具,以為自己即將要去嗰度打掃。

呢個豪宅單位面積約2500平方呎,有4間睡房、3間浴室、1個天台大露台,而入面嘅廚房更被Rosa形容為「完美的廚房」。Rosa參觀完豪宅之後不禁流露讚嘆嘅表情,呢個時候經紀先打開份租約,同Rosa講:「我知道這幢大廈很多住戶也是你的忠實粉絲,他們十分愛你。」經紀仲表示,大樓嘅住戶們知道Rosa同家人呢一年嚟過得好艱苦,所以呢層豪宅係住戶們俾Rosa嘅回饋。Rosa得知真相後,當下難以置信,然後感動到即場流淚。

好多網友睇完呢段片後,紛紛留言讚嘆:「謝謝你們幫助Rosa,她能安穩過日子了」、「這才是善良的人應得的」、「我看著Rosa的眼淚也忍不住哭出來了,好感動!」

圖:Reddit

Loyal cleaning woman who hit hard times during the Pandemic was given an apartment thanks to all the people who lived where she worked. She's given a 2 year lease. from r/nextfuckinglevel