近日澳洲一間小學嘅教學活動竟然因為太逼真而引起誤會,部分網民一度以為當地發生「隕石撞地球」事件。而有關嘅相片亦因此遭到瘋傳,網民甚至爭相討論相片真偽。


根據外媒報導,昆士蘭北部馬蘭達省學校日前模擬了一個「隕石撞地球」嘅場景,比學習新聞科嘅學生嘗試做記者,去報導一下呢宗「爆炸性新聞」。估唔到該活動嘅相片被分享到 Facebook 一個專門分享澳洲當地意外嘅專頁,並因此引起了廣泛嘅誤會。


雖然今次嘅事件純屬一眾網民未有 Fact Check 就分享資訊,但呢個教學活動嘅場景亦都真係太過逼真。除咗一塊熱到出煙嘅石頭,以及同一條拖行軌跡外,圍欄外更有警員在場,實在好容易發酵成一宗「假新聞」。


圖片來源:Facebook@Australia crash investigation unit