農曆年好快就到,除咗要購買賀年食品之外,當然仲要辦年貨,買年花啦今日就同大家介紹多間社企推出嘅新春禮品,接福之餘仲可以送暖,希望呢個新春,大家都多啲正能量


手工製絲花

社企第一熊 - 畢業公仔 / 禮品服務」係香港傷殘青年協會轄下嘅畢業公仔禮品服務,致力訓練殘疾人士,並提供工作機會。大家可以購買佢哋學員全手工製作嘅水仙絲花及年桔,唔受天氣影響日日都開得咁靚配上充滿新年氣氛飾品,帶來一個精神奕奕燦爛新年!

FB專頁:https://www.facebook.com/hkchampionbear/ 


日式賀年花環

無論新年定情人節都唔可以無花社企YM Fleur 花樂誰家製作嘅保鮮花盆栽/花籃,有近年好Hit嘅日式賀年花環,保鮮花籃等等,保鮮花比起鮮花擺得耐啲,咁成個農曆新年到情人節,都可以「花開富貴」兼「花好月圓」啦!

FB專頁:https://www.facebook.com/ymfleur/  


牛牛利是封

創視設計係香港傷殘青年協會轄下嘅社企,推廣殘疾人士在創意工業上嘅天份,為佢哋提供就業機會。今年佢哋推出「牛牛一家親利是封設計配合今年牛年嘅主題,收到嘅大小朋友都一定鍾意

FB專頁:https://www.facebook.com/Firstsensedesign/  

圖片來源:各社企FB