將軍澳街有「新蒲點」啦﹗基滙資本「民坊」表示,將軍澳明德商場喺1月完成翻新工程。「民坊」指,明德商場停車場上蓋球場翻新後,活化成多用途運動場,名為「明德主場」。「民坊」形容,係全港首個以「女性友善」為主題嘅運動場,提供大約1.5萬呎運動共享空間。


「民坊」又指,今次項目經過9個月時間翻新,並斥資數千萬元活化,明德商場欲帶出健康生活訊息,並打造明日在你」主題。另外,為打破男性主導「街場」嘅觀念,盼鼓勵更多女性參與運動,以協助女性喺運動場上發揮潛能,民坊致力打造全港首個女性友善嘅特色運動場。



「民坊」表示,團隊參考近500名年輕女性運動員意見後,將原來使用率低乒乓球枱改造,並增設多個女性友善設施,包括鋼面鏡女生運動前後整理儀容、增設掛袋勾放置隨身袋,擺放輔助肌肉伸展設置,方便進行熱身拉筋及伸展放鬆運動。

此外,「明德主場」計劃日後逢禮拜四下午4點到晚上8其中一個籃球場內推行女性優先運動時段;而「民坊」亦會非牟利機構合作,計劃「明德主場」舉行女性恆常訓練班。


球場設計方面,「民坊」表示,「明德主場」球場中間以鮮艷漸變顏色設計,喺唔同角度可以見到WM字,代表Women(女性) Men(男性)等。


「民坊」又指,完成活化工程後,明德商場舖位已全數租出,食肆數目由原來4間增加至8間。此外,商場亦加入新式市集「明德市場」,方便街坊原區選購新鮮食材。

圖︰基滙資本民坊