由上年開始,全球多地爆發新冠肺炎疫情,唔少留學生返港避疫。現年20歲,就讀倫敦大學金匠學院嘅Athena就係其中一個。佢不幸抵港後確診,喺隔離28日期間,每日都收到父親由將軍澳送入大埔嘅湯水,最終戰勝病毒,平安出院。

Athena抵港後第二日晚上收到確診消息嘅來電,Athena表示收到來電後,「有一刻,我喺到諗我會唔會就咁死」。父母得知消息後都好震驚,但首要任係安撫女兒情緒。

Athena爸爸曾修讀中西醫營養學課程,後來開設公司專門生產保健養生湯水。疫情期間,研製抗流感五色湯,以黃、紅、黑、綠、白色蔬菜、加上北芪、甘草等中藥而成。

公司創辦「一人一湯」行動,接受市民捐款,製作超過1,600杯抗疫湯水,送超過10間醫院醫護人員。Athena患病後,爸爸堅持每到醫院送湯,希望有助女兒增強抵抗力之餘,亦以行動為愛女打氣。

Athena憶述,爸爸每日將軍澳送湯到大埔,病房姨姨拎入房都會笑着表︰「晴希呀,你爸爸送咗個愛心湯嚟!

住院28日後,Athena進行第10次檢測,結果為陰性,平安出院。相隔28後終於可以同父母面對面傾談、擁抱,令Athena更加感恩同珍惜同身邊人相處嘅時光,亦意識到擁有健康嘅身體唔係必然。

資料及圖片來源︰

【生命故事】黎晴希《28天抗疫少女》星火飛騰 509

https://www.youtube.com/watch?v=4nhmLlf-2bQ&feature=youtu.be


Athena爸爸每日都親自送湯水畀醫諼,以表謝意。


堅持跨區28日,每日由將軍澳送湯到大埔,希望女兒安心。


Athena爸爸同醫護合照。


Athena爸爸同員工落手落腳包裝。