收養小朋友唔係一件容易嘅事,要收養有身心障礙嘅小朋友就更加艱難。英國有位36歲嘅「超級奶爸」Ben Carpenter就喺15年內,足足收養咗6個有身心障礙嘅小朋友,日前佢接受訪問大談收養6個小朋友嘅歷程。對於親友稱呼佢做「超級奶爸」,佢謙虛回應:「我不是超級奶爸,我只是熱愛我的工作。雖然這些作為非比尋常,但我就是我,任何認識我的人都知道這一點。」

據外媒報道,Ben Carpenter先前從事特殊教育工作,一直以來都好想做爸爸,過去15年佢收養咗6個年齡介於2至13歲、患有自閉症或腦癱等各種症狀嘅小朋友,可惜其中1個養子喺2年前不幸去世。Ben宜家係全職爸爸,平時靠住「建立孩子規律的作息」,同埋媽媽、朋友嘅支持,照顧一屋小朋友。Ben提到好多人都話小朋友好幸運,可以遇到佢,但佢就認為:「我才是那個幸運能陪伴他們的人。他們從各個方面豐富了我的生活。」

網友們都好佩服Ben嘅愛心,可以令小朋友重獲新生:「世界就是需要更多這樣的人」、「給予無條件的愛實在難能可貴。」Ben宜家透過眾募資網站Just Giving籌集感官室資金,希望透過特殊嘅燈光、音樂嚟促進小朋友嘅感官發展。

圖:Twitter@benjamincarp