農曆年好快就到,無論買糕,訂盆菜,都不妨考慮幫襯社企,唔止選擇多,仲可以分享愛心為節日增添意義!今日就先為大家介紹社企推出嘅賀年食品。


長者炮製盆菜

推動長者就業嘅社企銀杏館」,最近推出咗兩款盆菜,有葷有素,外賣自取或送貨到屋企樓下都得。食到老師傅製作嘅美味盆菜之餘,又可以支持長者就業,實在係一舉兩得!

FB專頁:https://www.facebook.com/gingko2005/ 


養生食品包

今年無得出街食團年飯,但都唔代表食得求其,「堂營養膳食服務中心一直為長者及有需要人士提供營養膳食服務,為咗迎接農曆新年,佢哋炮製多款養生食品包,包括藥膳排骨、鮑汁冬菇發財炆蓮藕、胡椒魚肚浸三鮮、黨蔘蟲草花燉雞全隻、發財豬手,真空包裝,只需翻熱15分鐘,團年飯好快就有食。

FB專頁:https://www.facebook.com/lsteasymeal/ 


健康糕點

新年總要食啲糕點,不過應節都要注意健康呀!社企「土作坊今年準備咗多款賀年糕點,注重健康嘅就要試吓選用本地有機種植嘅蘿蔔、蘿蔔葉同甘荀,加上香菇同牛蒡炮製而成嘅五行有機蘿蔔糕,無添加防腐劑、味精等,營養夠晒豐富又或者選用本地有機鮮薑、精製生態糙米粉、有機原蔗糖、益食紅糖、糯米粉等蒸製而成嘅有機薑汁糙米年糕

FB專頁:https://www.facebook.com/Groundworks.Wanchai/ 


將揮春食落肚

今年大家可以將「幸運」「平安」食落肚啦!社企AngelChild HK今年推出兩款新嘅潮爆曲奇,包括「揮春曲奇」同「大吉大利」,夠晒好意頭!另外佢哋推出5色手工掛麵都好吸睛同有益㗎

FB專頁:https://www.facebook.com/angelchild.com.hk/ 


特別口味曲奇

新年送禮,唔想又係例牌嘅藍X曲奇?不試吓社企「匡智會」嘅創意賀年曲奇啦!佢哋今年首次聯乘本地兩個老字號品牌「悦和醬園」及「源生坊有機功能產品專門店」,推出3款全新口味嘅曲奇,包括蝦醬曲奇、腐乳曲奇同薑醋曲奇,夠晒特別,仲可以為智障學員提供工作訓練機會,令賀年禮盒更意義!

FB專頁:https://www.facebook.com/HongChiAssociation 

圖片來源:各社企FB