為咗令屋企人可以主動分擔一下家務,近日一位日本網民就創立咗一個「家務獎勵制」,以金錢獎勵做家務嘅人。而每位家庭成員更要以做家務去換沖涼嘅機會,以防有人嘗試喺呢個制度下偷懶,繼續將家務推比其他人做。


從該網民分享嘅相片中可見,家中不同位置都貼有價錢牌,訂明完成每項家務後嘅獎勵,例如:洗1隻碗有54日圓(約港幣$4)、洗衣1件就有29日圓(約港幣$2)。而沖涼則變成一個收費項目,每次盛惠249日圓(約港幣$18),換言之任何家庭成員想要沖涼的話,就要先洗5隻碗或9件衣服。


該網民喺價錢牌嘅設計上亦落足心思,價錢牌上面嘅「SALE」、「感謝祭」、「今月限定」等字眼,其實就喺模仿超市裡嘅價錢牌。而為咗等大家可以喺屋企試行呢個制度,該網民喺Twitter分享咗價目牌嘅模板,比一眾網民下載並列印出嚟。


圖片來源:Twitter@13237sora