為咗幫助喺疫情下有經濟困難嘅家庭,美國德州一間中學早前就同非牟利組織合辦咗一間具另類嘅雜貨店。呢間雜貨店內嘅全部貨品都只能以積分換,而積分亦只可以透過服務社區嚟換取,換言之只要貧窮家庭肯為社區出一分力,佢哋就可免費獲得食物同日用品。


根據外媒報道,Linda Tutt High School 嘅學生早在去年11月開始營運呢間雜貨店。區內居民可透過喺雜貨店工作、打理盆栽、照顧幼稚園學生等工作賺取積分,而學生亦可透過良好嘅學業同操行獲得積分。由於呢種「儲得愈多到換得愈多」嘅經營模式區內居民大受歡迎,所以雜貨店現時已服務咗約130個家庭。


雜貨店嘅消息傳開後,唔少人都大讚呢種支援貧窮家庭嘅方法。校長洛夫(Anthony Love)更表示,學生可藉著經營雜貨店學到工作技能,並培養出回饋社區嘅價值觀。而又唔少學生都為呢份工作感到自豪,並因此變得熱愛返學。


圖片來源:Facebook@Linda Tutt High School