網民「Louis Lo24日於社交網站Facebook分享喺大埔拍攝到嘅「藍眼淚」照片,引起網民一番討論。

圖中可見,網民所拍攝嘅「藍眼淚」非常引人駐目。


「藍眼淚」7大熱點分別喺大埔三眼仔、大埔馬屎洲、石澳、西貢浪茄、清水灣、馬鞍山烏溪沙大美督龍尾灘 

以下係拍攝「藍眼淚」嘅需知或秘笈︰

1.  「藍眼淚」形成原

        「藍眼淚」現象係由夜光藻引起,係紅潮一種。對人體無害,但就會消耗咗水中氧氣令海魚死亡。

2.   夜光藻成份︰

夜光藻係因為呢種藻類生物細胞內含有螢光素,當受到刺激會發出藍光,如潮起落或海風等因,「藍眼淚」由此出現。

3.   留意漁獲署資

追「藍眼淚」前可以瀏覽漁獲署,漁獲署每個禮拜都會喺網上公布香港紅潮報告,包括發現宗數、地點,或由邊種海藻組成,有夜光藻就代表會有機會見到「藍眼淚」。

4.   留意海水顏色︰

藻類含有色素,數量過多海水就會變色。當大家喺日間留意到海水顏色有泛起紅色、啡色或綠色,就可能代表有紅潮,夜晚就有機會見到「藍眼淚」。

5.   追淚先追浪︰

由於夜光藻係受波浪影響,先會綻放「藍眼淚」,所以追淚前,大家可以留意下海浪。可以參考天文台數據,選擇大浪或者潮漲嘅時候。

6.   自備小工具︰

到「藍眼淚」岸邊後,如果當日浪唔大,藍光暗淡,可以運用一啲小工具自製浪花,如長棍或水桶等,可以刺激夜光藻發出藍光。

7.   揀烏雲遍佈之時︰

夜光藻發出嘅藍光微弱,好容易被光害掩蓋。如果想清晰見到「藍眼淚」,可以揀多雲嘅夜晚,同時要避免農曆滿月前後。

8.  「追淚」行裝︰

        「藍眼淚」通常出現喺陰暗嘅沿海位置,所以要先預備一對防滑鞋同備電筒。

9.    小貼士︰

  如果想拍出靚靚仔仔嘅「藍眼淚」,用智能手機影可以推高亮度;用相機建調慢快門速度同用較高感光度。

圖︰FB@Louis Lo