香港人口持續老化，令人擔憂。好彩有一班年青人，合力研發提高老年人生活質素嘅機械。長者或行動不便人士，由輪椅安全轉移到牀上，係一件好吃力嘅事，亦需要旁人協助。

城市大學有博士生用半年時間，成功研發全自動智能醫護機械椅，減低跌倒風險及人力成本，並獲城大及香港科學園資助三十萬元，現時正研發雲端操作平台，計畫半年內喺護老院試用，兩年內推出市場。

該全自動智能醫護機械椅，按照亞洲人體形及香港居住空間設計，可以進出較窄嘅走廊及門口，唔洗動用醫護人員抱扶，就可以將長者安全轉移到牀上，減低可能出現嘅跌倒風險、提升效率並節省時間，紓緩人手壓力。

城大工學院生物醫學工程學系博士生林華盛指，防止意外發生，椅上裝左唔同用途嘅感應器，如果有異常會發出提示；椅背傾斜角度亦都有限制，確保唔會出現完全垂直或「頭下腳上」嘅翻車局面；又計畫安裝自主研發嘅骨骼感應系統，以免機械椅誤認人體情況，以提供安全至上嘅服務。

圖︰城大