生得矮唔係錯,更加唔應該因為矮就被褫奪追逐夢想嘅機會!印度有個男子因患上怪病,令19歲嘅佢身高只有91cm、體重只得15kg。但身高並無阻佢追夢,佢立志成為醫生,幫助有需要嘅人。不過,醫學院一度因佢嘅身材而拒絕佢入學,好彩佢同家人唔放棄先爭取成功入學。

Ganesh Baraiya來自印度一個普通農家,屋企人話Ganesh啱出世嗰陣一切正常,直到佢5歲之後,身高就一直無增長過。醫生只係表示佢嘅病「十分特殊」,直到宜家都唔知係咩原因所引致。因為身高問題, Ganesh成日被誤認為係小朋友,日常生活亦經常需要人幫忙。不過佢就好認真讀書,細細個就立志讀醫學院、將來成為一位醫生,夢想幫嗰啲俾唔出醫藥費嘅病患提供醫療,佢嘅父母亦好支持佢。

點知,等到Ganesh好不容易通過醫學院考試,醫學院竟以佢生得太矮、「無法處理緊急狀況」為由,拒絕佢入學。為此,Ganesh一家上訴到最高法院,結果法院判定醫學院違法,Ganesh先得以成功入學。宜家Ganesh已經完成醫學院一年級嘅學業,佢嘅老師表示,佢相信Ganesh終會成功,若能夠有佢咁樣嘅醫生出現,會係全印度嘅驕傲。

圖:YouTube@Truly