好多人都將屋企嘅寵物當成自己嘅屋企人咁疼惜,加拿大有隻平時陪住主人到處遊山玩水嘅金毛尋回犬Sully,因年老同關節問題,已經無辦法同主人一齊行山。所以佢成日要留喺屋企悶悶不樂,於是佢嘅主人Donny Marchuk就絞盡腦汁,諗到用代步工具帶住Sully出門,繼續陪自己去唔同地方遊歷。

今年14歲嘅Sully以前成日跟住Donny周圍遊玩,不過隨住Sully漸漸年邁,佢宜家上山都顯得吃力,Donny唔忍心見佢受苦,於是減少帶佢外出。但係Sully發現Donny成日都唔帶佢出去玩,變得鬱鬱寡歡。Donny一早就留意到呢個問題,決定向朋友借咗架「寵物專用輪椅」,希望可以幫Sully順𣏀走路,繼續陪自己到不同地方遊歷。

有咗呢個貼心嘅代步工具,Sully又可以同Donny一齊出行,之前嘅快樂笑容又再次出現返喇。

圖:IG@donnymarchuk