流浪貓狗搵食艱難,唔少好心人見到都會餵佢哋,內地街市有位肉檔阿姨就會收集客人唔要嘅碎肉拎嚟餵流浪狗,不過佢呢個善心舉動就影響咗周邊商戶做生意。阿姨因此被投訴,之後佢自願搬去街市角落頭繼續餵,表示流浪狗都係生命,自己盡量餵得幾多得幾多。

呢位阿姨記得第一次餵流浪狗嗰日,佢正準備收檔,點知呢個時候有隻可憐嘅流浪狗走埋嚟,阿姨見佢好似好肚餓咁,一時心軟就切咗啲碎肉嚟餵佢。狗狗吃完好開心,對住阿姨一直搖尾巴。阿姨好鐘意呢隻可愛嘅狗狗,不過因為某啲原因帶唔到佢返屋企養,唯有盡能力餵飽佢哋。之後每一日,阿姨都會堅持將客人唔要嘅碎肉收集一齊,等呢啲流浪狗狗經過嘅時候就用嚟餵佢哋,一做就做咗好耐。

不過,阿姨嘅善舉引來好多流浪狗靠近佢嘅檔口,由於流浪狗身上比較污糟,唔少客人見到都唔肯過來買餸,連周圍商戶嘅生意都受到影響。後來有攤位老闆向管理處投訴阿姨,阿姨之後自願將自己嘅攤位搬去一個比較少人嘅角落,阿姨可以繼續餵流浪狗,其他商戶又唔會影響。唔少網民讚好阿姨嘅善心,不過亦有網民表示,街市畢竟係賣食物嘅地方,衞生環境好重要,擔心流浪狗聚集會影響食物衞生。

圖:網上圖片