自超過百年歷史嘅深水埗主教山蓄水池曝光，社會越來越重視歷史文物保育。

位於跑馬地嘅香港墳場，有176年歷史嘅教堂被評為一級歷史建築，但同期落成嘅墳場就未有任何認可。香港建築文物保護師學會指，政府評級時應該考慮整個環境，不應只就部份建築物（「拆件」）評級。

根據政府資料，該墳場建於1845年，係當年灣仔星街第一個公眾墳場滿額後而落成。亦有紀錄指，墳場最早安葬紀錄為1841年，推算該墳場係本港歷史最悠久嘅公眾墳場之一。其中，兩個噴水池及日晷亦早喺1890-1910年興建。

此外，有唔少名人長埋此地，包括何東，亦有安葬日本人，當中拜祭儀式亦別具文化價值。不過，墳場內現時只得喺同年落成嘅教堂被列為一級歷史建築，墳場本身或內在構建物都不獲評級。

圖片來源︰FB@肥仔殯儀手記

海軍上校Paul Kupfer（11/7/1842-18/6/1881）長眠此處。