相信大家都有試過去「夾公仔」,但「夾冬菇」你又試過未呢?日前日本靜岡縣就出現咗一部「夾冬菇機」,比大家以一種更有趣嘅方式買冬菇。而呢一部「夾冬菇機」亦隨即成為網絡熱話,並引起一眾網民討論一啲另類嘅「夾公仔機」。


其實呢部「夾冬菇機」喺當地店鋪伊豆村之站嘅主意,因為冬菇喺當地嘅特產,所以佢哋就諗到將冬菇放入「夾公仔機」,去吸引顧客購買。而「夾冬菇機」嘅玩法亦非常簡單,客人只要成功喺夾出冬菇,即可憑菇向店家換領其中一種冬菇產品。


呢部「夾冬菇機」曝光後,隨即引嚟網民嘅熱議,唔少更覺得「夾冬菇」比起「夾公仔」更有難度,當中亦有人表示自己見過「夾洋蔥機」、「夾毛蟹機」等。


圖片來源:Twitter@kikai_RGB